Volvo tilkynnti á dögunum að verkefnið SARTRE (Safe Road Trains for the Environment) væri nú á lokastigi, en Volvo er eini bílaframleiðandinn sem tekur þátt í verkefninu. Verkefnið felur í sér að bílstjóri ökutækis getur slakað á undir stýri og notið ferðarinnar án þess að snerta stýri eða eldsneytisgjöf bílsins.

Á laugardaginn 14. janúar verður haldin stórsýning á Volvo XC bílunum í Brimborg milli kl. 12-16 þar sem fólki gefst tækifæri á að skoða nýjustu gerðirnar af Volvo XC60, XC70 og XC90.

„DRIVe Towards Zero“ er nýjasta áætlun Volvo í að draga úr útblæstri á koltvísýringi út í andrúmsloftið. Hægt verður að fá sjálfskipta bíla af gerðinni S60 DRIVe, V60 DRIVe, V70 DRIVe og S80 DRIVe. Nú verður í fyrsta skiptið hægt að panta þessa bíla með raðskiptri sjálfskiptingu auk þess sem bílarnir hafa sömu tölur fyrir eldsneytisnotkun og útblástur og þeir beinskiptu.